美心大酒樓 (已結業)

今日同同事一行七人去o左美心2樓飲茶，叫o左10幾個點心，滿成台，都係食d大路野，好似蝦蛟、腸粉就普普通通，料幾新鮮，但層皮就唔夠薄同滑，煎腸粉就煎得唔錯，幾爽口，不過略嫌油膩o左d，另外碟燒排骨都幾正，燒到有少少焦，夠香口，不過最正都係碟蛋撻仔，同事話呢間酒樓d蛋撻仔係拎個獎，真係名不虛傳，層皮真係夠晒鬆化，入口即溶，蛋汁濃度適中，一啖一個，正。埋單每人平均80元，午市當然唔可以話平，不過招呼周到，坐得舒服，食物水準唔錯，都可一試。