內部屬於木系日式裝潢， 有幾張舒服大卡位，落地玻璃望到附近城區景色。燒肉方面，有幾款套餐選擇，選了「櫻🌸和牛饗宴」（每位$468），有多款靚靚黑毛和牛又有海鮮，份量十足，好豐富。
🔶三格前菜
有冰話梅小蕃茄、韓式泡菜丶牛蒡醬油漬，最鍾意小蕃茄，清甜開胃。
🔶雜菜沙律
食燒肉之前吃一下沙律，整體新鮮，夠晒清爽。
🔶野菌蟹肉茶碗蒸
一打開見到鋪滿晒蟹肉，蒸得好滑，食落特別鮮甜，滿有蛋香。
🔶肉類
超豐富！共有7款唔同部位嘅牛💗每人每款有2件，份量都好多， 附上玫瑰鹽丶青蘋果醬丶燒肉汁可另作調味。
包括有🤤黒毛和牛極上牛小排丶黒毛和牛友三角肉 丶黒毛和牛肉眼上蓋 丶黒毛和牛牛肋條丶黑毛和牛牛肩肉 丶澳洲和牛牛腹肉 丶澳洲牛舌心 。
我就最鍾意極上牛小排，油花分布均勻💗燒過後入口柔嫩甘香，仲有牛舌心彈滑味濃，滿有口感。其餘嘅都好唔錯👍🏼。
🔶海鮮
燒白鱔超大肥厚，燒過之後肥美肉嫰🤤另外仲有大扇貝，上面放了牛油丶青檸丶醬油來提鮮。
🔶温泉玉子丼
超大一碗🤩目測每碗足足有2碗飯🫶🏻拎上醬汁，可以根據自己嘅口味加添，蛋汁紫菜飯香，燒肉佐飯好正。
最後仲附送一杯冰淇淋，清清食燒肉嘅油膩感🫶🏻飽到捧住個肚，好滿足。
