大滿喜日本料理 (已結業)

我本人係一個好鍾意食刺身同壽司嘅人，我個朋友喺台灣返嚟咁梗係要同佢食餐勁架啦！刺身都幾新鮮，又大片，你order幾多佢比幾多，放刺身嘅盤因為乾冰嘅關係仲識噴煙。當我地食完嘅時候，我哋想落單，嗰度嘅員工立即就幫我地落單，態度常好，不得不提三文魚同甜蝦食入口即溶又新鮮，一個字正！放題店竟然有泰式生蝦真係估唔到，生蝦爽口彈牙啲醬汁都酸酸甜甜好開胃魚翅海蜇撈好入味，味道唔會太咸黃金燒帆立貝芝士味同沙律醬味都好香濃，大大隻帆立貝食完都要叫多一轉另外有兩樣我覺得好特別嘅壽司，車打芝士醬燒蟹棒同埋辛味吞拿魚，車打芝士醬燒蟹棒壽司都好夾，另外黑松露油金魚壽司黑松露味都幾香。呢間放題食物總分都OK，如果鍾意食放題嘅朋友，可以試一試，價錢適中，職員態度又好。