影片
更多
2021-12-12
109 瀏覽
一間係觀塘的隱世台灣菜，踏入門口的一刻，佢地既裝修已經吸引咗我嘅眼球，用心嘅裝修令到我好驚喜，水吧同廚房係分開嘅，廚房嘅裝修有日式風格，個感覺好似去咗日本咁。喺門口見到有無味精一人火鍋，的確引起左我嘅興趣，呢個天氣食個火鍋最好，所以我地分別叫咗牛骨沙茶鍋套餐同藥膳麻辣鍋套餐，雖然係一人套餐，但我對我來講分量都幾多，我就唔係好食得晒，我朋友係男仔平時食嘢都多，佢都話夠晒飽。首先要讚下呢個冇味精嘅湯底，食晒成個火鍋都唔會有個種味精渴喉嘅感覺，真係好好，兩個湯底各有千秋，牛骨沙茶出面好少有，而且佢個味做得好特別，濃郁沙茶湯帶出牛既鮮味，連調味料都唔使點！藥膳麻辣鍋有啲辣，可以準確咁帶出有藥膳嘅味道，感覺好足料，不過我覺得個味道可以再濃啲，主食有五款俾人揀，見到有關廟麵同王子麵好少有，配料有10款而且十分多元化，佢哋用既係鹿兒島豚腩同梅肉，肉味濃且爽口彈牙，雖然係一人火鍋但係都有好多片，一人火鍋黎講食得好爽！當然亦都可以選擇叫一個鍋，然後加配料，第24款配料可以揀，兩個人食都好正~呢度嘅店員都好熱情，有問題都可以搵佢哋幫手，水同碗放咗喺店嘅中間大家可以自取，不過醬料就因為衛生問題要問店員攞，除
一間係觀塘的隱世台灣菜，踏入門口的一刻，佢地既裝修已經吸引咗我嘅眼球，用心嘅裝修令到我好驚喜，水吧同廚房係分開嘅，廚房嘅裝修有日式風格，個感覺好似去咗日本咁。
喺門口見到有無味精一人火鍋，的確引起左我嘅興趣，呢個天氣食個火鍋最好，所以我地分別叫咗牛骨沙茶鍋套餐同藥膳麻辣鍋套餐，雖然係一人套餐，但我對我來講分量都幾多，我就唔係好食得晒，我朋友係男仔平時食嘢都多，佢都話夠晒飽。
首先要讚下呢個冇味精嘅湯底，食晒成個火鍋都唔會有個種味精渴喉嘅感覺，真係好好，兩個湯底各有千秋，牛骨沙茶出面好少有，而且佢個味做得好特別，濃郁沙茶湯帶出牛既鮮味，連調味料都唔使點！藥膳麻辣鍋有啲辣，可以準確咁帶出有藥膳嘅味道，感覺好足料，不過我覺得個味道可以再濃啲，主食有五款俾人揀，見到有關廟麵同王子麵好少有，配料有10款而且十分多元化，佢哋用既係鹿兒島豚腩同梅肉，肉味濃且爽口彈牙，雖然係一人火鍋但係都有好多片，一人火鍋黎講食得好爽！
當然亦都可以選擇叫一個鍋，然後加配料，第24款配料可以揀，兩個人食都好正~
呢度嘅店員都好熱情，有問題都可以搵佢哋幫手，水同碗放咗喺店嘅中間大家可以自取，不過醬料就因為衛生問題要問店員攞，除咗火鍋佢仲有好多飲品同埋小食，下次經過直接上嚟買杯台式飲品先，價錢唔貴同埋見好多人都有叫飲品，不過由於嗰個火鍋set太飽所以試唔到了。
地鐵站行過去都要10分鐘左右，但係呢度都好多人幫襯，我去嘅時候係星期日晚，我以為呢個位唔算近地鐵站未必會多人，點知我去到嘅時候都只係剩返好少枱，唔知有冇得book位，有啲好特別嘅打卡位好正，但係俾人坐晒希望下次可以坐到。
張貼
