影片
更多
2023-01-10
36 瀏覽
作為 foodie 叫人唔好信食評，雖然好諷刺，但今次真係想叫大家唔好盡信網上嘅食評☹️呢間餐廳嘅二人套餐，網上評價清一色話又抵又好味，但153覺得完全唔抵食… 兼唔好食，完全唔值得🥲———🔺 晚市二人套餐 $508🔺❝ 明爐冬蔭功海鮮湯(+$12)冬蔭功有2隻大蝦、2隻墨魚仔同1隻青口。海鮮份量唔少，蝦亦係大大隻，但鮮味欠缺，蝦肉食落霉霉地☹️評分：5/10———❝ 泰式炒雜菜雜菜包括翠肉瓜、粟米芯、蘿蔔、椰菜等等，朋友話似「用淨嘅菜炒埋一碟」😂評分：5/10———❝ 泰式沙嗲4串（可選豬/牛/雞）沙嗲醬惹味帶花生香，雞肉串帶炭燒焦香，但兩款串燒完全唔熱，唔得喎😅評分：5/10———❝ 海南雞(半隻)海南雞上菜時已去骨，食落啖啖肉，而且雞肉嫩滑，呢款合格🆗評分：7/10———❝ 泰式鮮蝦炒金邊粉(+$48)酸酸甜甜幾好味，蝦有5隻算幾慷慨，但同樣肉質鬆散無彈性，鮮味亦唔見有。雖然我哋走咗芽菜，但感覺整體份量偏少？🤔評分：6/10———❝ 飲品兩杯（$30或以下）「奉送$30飲品兩杯」，直接啲講即係咖啡或茶。可以加錢轉其他飲品，但唔吸引所以冇轉到。———❝ 榴槤麻糬 (+$28)套餐可以加
呢間餐廳嘅二人套餐，網上評價清一色話又抵又好味，但153覺得完全唔抵食… 兼唔好食，完全唔值得🥲
———
🔺 晚市二人套餐 $508🔺
❝ 明爐冬蔭功海鮮湯(+$12)
冬蔭功有2隻大蝦、2隻墨魚仔同1隻青口。海鮮份量唔少，蝦亦係大大隻，但鮮味欠缺，蝦肉食落霉霉地☹️
評分：5/10
———
❝ 泰式炒雜菜
雜菜包括翠肉瓜、粟米芯、蘿蔔、椰菜等等，朋友話似「用淨嘅菜炒埋一碟」😂
評分：5/10
———
❝ 泰式沙嗲4串（可選豬/牛/雞）
沙嗲醬惹味帶花生香，雞肉串帶炭燒焦香，但兩款串燒完全唔熱，唔得喎😅
評分：5/10
———
❝ 海南雞(半隻)
海南雞上菜時已去骨，食落啖啖肉，而且雞肉嫩滑，呢款合格🆗
評分：7/10
———
❝ 泰式鮮蝦炒金邊粉(+$48)
酸酸甜甜幾好味，蝦有5隻算幾慷慨，但同樣肉質鬆散無彈性，鮮味亦唔見有。雖然我哋走咗芽菜，但感覺整體份量偏少？🤔
評分：6/10
———
❝ 飲品兩杯（$30或以下）
「奉送$30飲品兩杯」，直接啲講即係咖啡或茶。可以加錢轉其他飲品，但唔吸引所以冇轉到。
———
❝ 榴槤麻糬 (+$28)
套餐可以加$28叫甜品，均真講句係幾抵嘅。
榴槤麻糬皮薄餡香，不過呢款食物應該係「糯米糍」而唔係「麻糬」？ 🤔
評分：7/10
———
如果大家睇返以前餐牌，會發現呢個晚市二人套餐，2022年頭賣 $438，年中 $468，年尾 $508，而且好多食物款式都要加錢。
明白近年成本上漲，生意難做，加價唔係問題，問題係食物質素完全唔得。
加加埋埋，埋單每人要成 $300。大拿拿三舊水，我哋究竟食咗啲咩？
張貼
