海鳥日式放題 (已結業)

家人突然約食飯，於是揀左好耐，一間新新地，雜誌大大隻字“好評如潮”吸引到我地，上網search亦未有劣評，於是訂檯，開開心心去食飯，點知一到步，心知不妙，裝修跟一般canteen無異，樓底矮令成個場都好嘈，算吧，還是叫野食，第一輪刺身，可以接受，但之後再叫刺身，居然係無冰？吾凍既刺身好易有細菌，放棄了，改食熱野，叫了雞翼﹙啖味﹚，唐揚雞軟骨，淨係見到一粒粒油炸野，無食，吉列蠔，吉列帶子，吉列就得一團炸粉同好硬，根本吾知食緊咩？壽司完全同街外食既兩回事，再叫左一個熱窩，窩細細但俾左五舊粟米，等得熟都已經夠鐘埋單，又放棄，想叫罐橙汁汽水都話得番吾凍既，試問吾凍既汽水飲黎做咩？最後只好叫天婦羅同沙律，呢兩款算ok，再叫燒菠蘿同芝士年糕，菠蘿完全無燒過，芝士年糕又咸得滯，再睇下d柯打紙，真係無野食，最簡單既串蝦，炒什菜都無，未夠鐘已經全面放棄，齋坐等埋單，好彩埋單都有粒雪米茨食下，算係咁啦！但要贊下d員工，算係收單快，出食物都快，間中漏單，只係食物質素有待改善！