陳黃記 (已結業)

去完鑽石山會友之後，就直坐277x 入聯和墟搵晚餐食啦。 無意中見到呢間座位比較寬的餐廳，就二話不說，就決定獨個兒食啦！竟然成間餐廳都係藥材味，仲以為中伏，便之都算唔錯嘅一次飲食經驗。 聽店員解釋，佢地嘅天麻川芎白芷燉魚頭，可以祛頭風兼治頭痛。咁厲害！？ 咁我就叫黎補補佢，反正我好仲意食魚頭呀！成碗天麻川芎白芷燉魚頭好足料，起碼我見到有半個魚頭、好多天麻川芎白芷！ 湯帶有濃濃的藥材味，好在我頂得順，而家混合白飯一起食，估唔到真係好好食！ 有少少魚的甜味，而魚頭好滑，好好味！ 不過，如果淨飲湯的話，就會覺得有啲啲苦，但可以接受的。另外，還叫了至愛的雞腳，雖然一睇就知道雞腳係雪藏嘅(如果唔係實好貴), 但係沙薑味滲入雞腳，每啖都好開胃口。 不過，唔同白飯一起食，會覺得有啲咸啊！By the way, 飲完個碗湯，成晚都好好訓。