花宵 (已結業)

今日喺銅鑼灣上堂，放咗學之後同同學一齊去食餐好，見到呢間日本餐廳幾吸引，就揀咗呢度。餐廳唔算好大，不過座位寬敞舒適。火炙鰹魚沙律火炙鰹魚配上酸酸嘅汁，洋蔥同炸蒜片，仲有羅勒葉，個味道幾特別。鯛魚刺身鯛魚本身味道唔濃，配上特製柚子酸汁，令到感覺好清新。油甘魚刺身厚切肥美嘅油甘魚，魚肉鮮甜可口。火炙銀鱈魚壽司銀鱈魚好香口，魚肉鮮甜，配上松露醬令到整體更突出。火炙左口魚邊壽司火炙過嘅左口魚魚油更加豐富，好似想漏出黎咁，塊紫菜好脆身，可以中和壽司嘅魚油，不錯不錯。磯燒鮑魚鮑魚上面有鮑魚肝醬，個味道甜甜地，鮑魚彈牙，仲有燒過嘅味道。燒牛油大蜆呢個煮法真係好惹味，牛油味香濃，蜆肉又大粒又鮮甜。鵝肝多士 香脆多士配上肥美嘅鵝肝，咬入口好有油香，令人好滿足。雞軟骨 雞軟骨好有口感，帶有咸香。免治雞肉 沾上生蛋後滑身又有醬油香，啖啖肉。厚切牛舌 牛舌燒得剛剛好唔會乾身，口感爽彈。一口牛 好Juicy嘅一口牛，燒得好香。