林記竹蔗水 (已結業)

同隔離公利一樣，呢度都係好耐歷史，單看店內的檯櫈及四周的佈置就知，事但一樣野都係古董，好似望下門口果張陳年海報就知蔗汁、火麻仁同酸梅湯等當年大杯的只賣兩毫！米睇佢舖仔細細，供應的飲啊可不少，除蔗水蔗汁外，這裡還有火麻仁、菊花茶、廿四味、椰汁、茯苓茶、花旗參茶同桑寄生茶等等，大部份飲品賣5蚊一杯，蔗汁、花旗參同桑寄生貴少少要6蚊，蔗水最平賣4蚊。龜苓膏都有，大碗16而細碗就12蚊。仲有一樣係熟客都識叫的是芒果布甸，餐牌上是沒有的，夏天的話好快賣清的。飲品及食品味道坦白講是一般，但勝在夠平。老闆已是上年紀，每日收工後都會有斑街坊熟客來打蠆打牙餃的。唔去咖啡室，來坐一坐都係另類刺激思維的方法。再拍非常外父或阿飛II的話，除左可以去隔離公利，都可以搵呢度做場景的。