更多
2009-08-26
2 瀏覽
每日放工都會經過,見有咁多好評即管試吓!一嚟到門口,一個疑似老闆娘嘅人已經出嚟問要啲乜,我要咗一底"原味",因為係即叫即整所以都等咗一陣,不過等都係值得嘅,因為新鮮出爐嘅雞蛋仔真係好好味,好夠蛋香同埋真係好脆,未行到返屋企已經食哂!仲有值得一提係雖然佢唔係開咗好耐,但係已經儲咗一定嘅熟客。點解咁講,就响我等梗嘅時候不斷有人客而每一個都同店員有傾有講,店員仲記得佢要乜,連個客都話"呀,咁妳都記得呀?"。最後就係要贊吓佢哋啲服務真係幾好,每個客攞食物嘅時候都會講"唔好意思,要你等咁耐',其實唔係等好耐啫。同埋依家佢哋已經進步咗,冇下邊啲食客咁講咁雞手鴨腳,可能已經上咗軌道。希望佢哋可以繼續用心經營!
張貼