晴苑泰國菜 (已搬遷) 新店位置

岩岩由清邁回港不足兩星期,突然思鄉病發,係朋友介紹下食左一餐好有泰式味道既泰國菜.由於當日係星期六,諗住差唔多九點先到就唔洗等位,點知去到都有好幾個人係度等緊位....唔緊要啦,好食先會多人等位姐....我等.....等左一陣就已經有位喇,YEAH~~~先叫左個生蝦刺身,同係清邁食到既一樣,只不過每間餐廳既汁都會有佢地自己既味道,而呢度個味道都好岩我.見到咁好味,即刻加碼黎多個！！海南雞好滑,我最欣賞佢個雞醬,辣得好過癮,令人又要怕,又要食.臭草煎蛋夠特別,最初都怕自己接受唔到個味道,但係食落又好好味喎,正！！雞肉生菜包唔乾身,最怕食到D肉好似柴皮咁,但呢度炒到岩岩好,又保留左小小既肉汁,好味！！咸肉炒椰菜苗,食左咁多辣野,清清地食返個菜岩岩好.白氹,即係泰式沙律,有螺肉,生蟹仔,木瓜絲,米線等等既材料,不過呢個勁辣,頂唔住....當晚六個餸,四杯野飲,埋單$420,三個人食,一人都係$140,價錢都算OK,不過最正既係咁既價錢能夠食到正宗既泰北味道,咁就可以飛少兩次清邁啦！！