大家樂 (昌耀大廈)

營業中

休息中

都差唔多三個月無黎過呢度食早餐，今日終於可以黎啦。都成九點幾，都仲可以咁多人，真係好野。今次就食蜜糖雞扒早餐。蜜糖雞扒雞皮無我旺中果陣咁脆，但都可以接受既。而雞肉又唔算鞋口，我覺得唔錯啦。不過雞扒起左骨，所以係細塊。炒蛋依然咁好食，都係咁滑，容易入口。蛋味又夠，真係好想食多隻呀。多士都係差小小，始終都係唔夠熱。好彩，色水都唔錯既。牛奶麥皮整得唔錯，有一種綿綿既質感。又唔算太甜，係清清腸胃既首選。凍奶茶依舊咁有水準，奶同茶既份量都好夾。忙裡偷閒間食個早餐，實在係一件快事。無辦法啦，六點鐘先放學，唔食好小小點得呀！