影片
更多
2011-11-20
24 瀏覽
一心諗住星期日下晝一班朋友高高興興去食餐飯啦, 諗唔到去咗一間食完我哋覺得100蚊都俾多佢既餐廳! 食物我覺得OK啦, 中環區, 100蚊一個SET LUNCH都唔EXPECT太多。我成日都話, 你嘢食唔太OK都唔會令我唔返轉頭, 最衰既係SERVICE唔得, 都係嗰句, 你SERVICE唔得, 幾好食都係假。入到去, 間餐廳唔算FULL, 個RECEPTIONIST問我哋幾位同埋有冇訂枱, 我哋話無, 佢就好似好勉為其難咁幫我哋拍埋兩張四人枱。由於朋友可能會帶BB車既關係, 我就叫佢留番個CORNER位俾BB車。講真, 我都係唔想阻止條路, 你唔方便時我又唔放心, 個女既RECEPTIONIST就拗話嗰度會阻住條路, 直到我哋解釋到佢明先至死死氣咁移啲椅。坐低咗, 見到個餐牌有ALL DAY BREAKFAST同SET LUNCH揀, 我同另一個朋友揀咗ALL DAY BREAKFAST既ITEMS, 另外兩個朋友揀咗SET LUNCH, 佢落哂單之後喺廚房走番出嚟話今日唔SERVE ALL DAY BREAKFAST; 老老實實, ALL DAY BREAKFAST既意思係ANYT
食物我覺得OK啦, 中環區, 100蚊一個SET LUNCH都唔EXPECT太多。我成日都話, 你嘢食唔太OK都唔會令我唔返轉頭, 最衰既係SERVICE唔得, 都係嗰句, 你SERVICE唔得, 幾好食都係假。
入到去, 間餐廳唔算FULL, 個RECEPTIONIST問我哋幾位同埋有冇訂枱, 我哋話無, 佢就好似好勉為其難咁幫我哋拍埋兩張四人枱。由於朋友可能會帶BB車既關係, 我就叫佢留番個CORNER位俾BB車。講真, 我都係唔想阻止條路, 你唔方便時我又唔放心, 個女既RECEPTIONIST就拗話嗰度會阻住條路, 直到我哋解釋到佢明先至死死氣咁移啲椅。
坐低咗, 見到個餐牌有ALL DAY BREAKFAST同SET LUNCH揀, 我同另一個朋友揀咗ALL DAY BREAKFAST既ITEMS, 另外兩個朋友揀咗SET LUNCH, 佢落哂單之後喺廚房走番出嚟話今日唔SERVE ALL DAY BREAKFAST; 老老實實, ALL DAY BREAKFAST既意思係ANYTIME, ANY DAY都會有得食既嘢, 你話今日唔SERVE, OK, 無問題, 但應該唔會係落單嗰時個WAITER唔知, 要走到入廚房入咗單先知囉! 算, 我揀過個SET LUNCH~
頭盤嚟咗, 食西餐, 麵包係一樣唔少得, 亦都唔可能唔SERVE既嘢~但係呢度係要問先有得俾; 因為我哋兩位朋友遲嚟我哋食住等, 佢哋到既時候上咗頭盤, 班伙記好似都唔意識到要俾多一轉麵包, 又要問~~大盤到咗, 我哋都覺得OK啦, 又係嗰句, 俾咩價錢就預咗係食咩~
一班人食飯, 坐低傾計同BB玩自然會有聲, 點知喺我哋食大盤食到尾聲嗰時, 有個唔係職員既男人走嚟同我哋講"唔好意思, 我忍咗你哋好耐, 你哋講嘢好大聲!", 我心諗你咩事呀, 知唔知咁會嚇親BB仔架~你冇修養我都唔會同你客氣, 我走去佢張枱同佢講番: "先生, 你俾個咁平民化既價錢, 應該預咗間餐廳點都會有啲聲, 如果你係要既, 你可以俾多啲, 去另一間。" 重點唔係個男人點過嚟話我哋或者我點走去回應佢, 而係成個過程無任何一個伙記有行動要過嚟理解成件事或者調停, 莫講話係安撫兩枱客。淨係呢樣嘢足以令我唔會再番去!
本來攪成咁我都唔會開口大聲鬧伙記, 老實講, 自己做SERVICE既, 都知道做SERVICE既難處, 開頭我都諗算啦~食咗呢次唔再幫襯就算~點知個RECEPTIONIST過嚟收嘢嗰時問我哋要唔要咖啡茶, 我問佢有咩茶, 問咗佢4次佢都唔答我, 直到我話"我問咗你4次有咩茶啦! " 佢竟然同我講"我收緊嘢同TAKE緊ORDER呀, 你等等得唔得?!"當時佢只係收緊我兩個朋友既碗碟同TAKE緊兩個朋友既ORDER (都只係一杯咖啡同一杯DECAFF咖啡)我同佢講"我宜家唔要你SERVE我呢張枱, 你搵第二個人嚟", 佢都仲要拗"你冷靜啲, 咁我TAKE緊其他ORDER嘛"。我再一次叫佢搵第二個SERVE我呢張枱, 話我唔想見到佢SERVE我呢張, 佢同我講"YOU'RE RUDE", 有冇攪錯?! 我已經喺我仲可以控制到既情況下叫你行開, 你竟然兜口兜面同我講話我RUDE?! 首先要你唔收嘢住答我有咩茶唔會阻你好多時間, 其次要你記一個ORDER兩杯咖啡有幾難, 第三你明知個客唔要你SERVE你仲要企喺度同佢拗或者理論, 你究竟識唔識做SERVICE?
另一個WAITERESS落我幫我哋落咖啡茶ORDER之後, 上咗甜品, 我哋6個人, 上得5份, 好明顯係少咗1份啦, 我個朋友話佢知爭一份, 佢好似懷疑我哋呃佢咁, 巡咗幾次先拎多一份出嚟。之後我哋發現上漏咗杯茶, 同佢講話仲有杯茶未到, 佢就話"係咩, 你哋真係有叫過茶?", 之後先至俾番杯茶我哋。
到我哋離開間餐廳, 埋單當然一蚊貼士都冇俾啦! 個RECEPTIONIST仲好似話我哋唔啱, 搭住我朋友同佢講話我好火爆; 老實講, 你就算覺得個客幾熟, 佢有幾唔啱都好, 都唔係同個客一齊嚟嗰班朋友講係咪呀? 有冇常識呀? 仲有, 我哋第一次嚟, 同你好熟呀? 再熟都唔會咁啦! 我個朋友就同佢講你哋既SERVICE破壞咗我哋成個下晝之後走咗!
我好少會咁嬲寫咁多嘢, 但係呢間餐廳既服務唔只唔可以接受, 簡直係唔可能發生! 我知我係有唔啱, 但係如果你呢間餐廳係唔歡迎大班人既, 你可以喺我哋入嚟既時候講, 我咪搵個第二個地方食囉! 仲有你唔鍾意SERVE中國人, 你大可以唔SERVE, 搵第二個都一樣啫~間餐廳又唔係得一個伙記; 佢嗰兩個中國人伙記見到係外國人行入去即刻變面, 擺明唔鍾意做中國人同生客生意~ 要知道, 冇新客既話, 何來熟客, 何來LOYAL CUSTOMER?
張貼