大家樂 (桂祥大廈)

營業中

休息中

行開黃金好多電腦人會行埋鴨寮街，剛剛買完筆芯電走上去一樓既大家樂醫肚。呢度無電梯，要行三十幾級樓梯，上到去就見到好多老人家嘆下午茶；2個人搵個位坐低都唔易，好在小朋友醒目搶到個雙人雅座。大家樂下午茶配搭都算多，買咗一份吉列豬扒同一份豉油雞脾下午茶餐。出去排隊等食物等咗差不多十分鐘，經理同員工輸出食物做得好拘緊，因為個分區經理睇住員工做，搞到個個慢晒手腳。唔好諗住上司喺度出品會靚啲，我件餐多士就燶都唔燶吓。坐埋位開始食...吉列豬扒炸得係幾脆夠晒香口，豬扒係幾多汁，可惜肉身係霉嘅!..可能落咗過糧鬆肉粉。條腸仔唔夠熱，厚多士唔夠燶，係杯即磨咖啡比到90分。豉油雞脾浸得太耐，雞下脾已經縮埋一嚿見到腳骨，無晒嫩滑口感。跟餐紅豆冰無乜豆豆，雖然大家樂話輸出份量有標準，都係不可盡信，我呢杯就似奶水比較多。2個下午茶餐唔使40蚊，仲好似大堆頭，不過品質就無想像中標準化咁好。