南小館 (愉景新城) (已結業)

南小館以前就食得多 宜家多左好多餐廳既選擇 就好少再食 今日經過愉景見咁耐冇食就諗住試下 星期日晏晝兩點去到 已經冇咩人 可能過左午餐時間 唔洗等位就入得我地叫左一個前菜 三個主菜 前菜叫左個冰鎮肴肉 份量幾多 切到薄薄一片 食落鹹鹹地 幾好味主菜叫左個擔擔麵 一上到枱見到碗麵既顏色勁深色 以為會好辣 但食落又唔係話好辣 麵既份量得好少 幾啖已經食晒 但味道不錯鮮肉小籠包 有五隻 見佢小籠包既款式都有好幾種 今次就揀個最普通試下先 望落塊皮好厚身 入面既肉汁得好少 如果塊皮薄返啲會好食好多賽螃蟹 份量好多 好大份 兩個人都食唔晒 有好多蛋白 仲有啲鹹蛋黃係上面 食落鹹鹹地幾好味 但就完全食唔到有蟹 都還可以的整體黎講 食物味道還好 唔算難食 但又唔可以話好好味