客家好廚 (已結業)

當日係星期五，同老公去完蝴蝶灣拜完觀音，跟住就過咗蝴蝶邨商場搵茶樓飲茶食點心，一上電梯就見到呢間酒樓冇人等位，咪行埋去攞位囉，點知門口個姐姐都話要等等，原來唔搭枱就要等一陣，(因為啱啱有張枱埋單。)大約等咗十分鐘咁上下，一行入去就已經聽到好嘈，仲勁過街市，街坊茶樓冇辦法啦，啲師奶可能喺買餸前先約埋飲餐茶、吹吓水咁啦，就當入鄉隨俗啦！

特價點心幾抵食.

如果唔嫌太嘈o既話，價錢都算公道。

蘿蔔糕香味唔夠又唔脆。

蝦米蔥花腸粉，料少唔夠香味，都係唔夠脆。

排骨有雪氣味，份量又少。

腸粉唔夠熱又唔夠滑.

呢款翡翠帶子餃皮夠薄,味道適中.

客家蒸茶果味道好特別.

唔好計較咁多，其實都算食得過o既。