樂飛葉山區餐廳 (已結業)

我同朋友一行六人，星期日晚，上到去，見到得兩三台人，小貓三四隻，好驚。因為呢個位置，呢個時候，一間正常既餐廳應該係好多人既。但最後都係入左去，叫左個芝士火鍋，二人山區套餐(係燒野食既，類似korean 燒)，同一個pasta, 一個繪飯。個芝士火鍋，普通啦，但配料同芝士都唔夠。灰。個山區套餐，佢又唔講點食bor..d配料黎到之後，我地要不停問waiter，呢個係for 燒定芝士火鍋，同埋點食，d野點用。呢個所謂既二人山區套餐勁多素，完全唔會夠兩個人食囉。原來塊版上面果d一粒粒係鹽黎啦，我地燒出黎果d野全部都勁咸囉，各位小心。結果當然就係好似無食過野咁啦。所以，叫多一個繪飯同pasta.、呆了，史上見過最細碟既pasta同飯，我未試過個pasta食到最後一口都仲係好熱，熱到出煙。證明真係好細。六個人每人百五蚊，但都好似無食過野咁囉。d service唔太好，d野上左之後又唔講話係for 火鍋定燒既。又要自己問佢羅水，叫完一次又一次先有，又要等勁耐。雖然環境唔錯，但係確係唔抵食又唔係超好味囉。