池記 (已結業)

間店就係系地鐵香港站c出口嘅位置，好近。今朝去飲茶食咗唔少嘢，所以lunch食得比較遲，不過又好彩我唔係幾肚餓，如果唔係佢呢度嘅嘢都細細一碗根本唔夠我食，叫咗淨雲吞，因為我唔係幾鐘意佢地嘅麵，雲吞出咗名嘅細，皮好滑，雲吞裡邊嘅蝦好爽脆，啱啱好一啖一隻喇。蠔油冬菇強烈推薦去試下，好喇，其實係因為我自己好鐘意好鐘意食冬菇喇，無論係乾嘅新鮮嘅都鐘意食，呢度嘅冬菇悶得好霖好入味，冬菇味好濃，同蠔油悶好襯吖！！豆腐花好甜好滑，其實我係特別要求多放咗糖水嘅，因為我鐘意食甜d，呢度豆腐花係得嘅！奶茶麻麻地，唔可以話不好飲，又唔想講特別好飲，好喇，個人感覺喇！