影片
更多
2018-09-18
29 瀏覽
朋友對卡通有份情意結，佢知道山下係旺角T.O.P開左間食同Monchhichi聯乘嘅甜品店。就同佢一齊黎試新野啦！==============================山下除左甜品仲有主食，不過我地就主打甜品。一入店裏就見到勁多唔同既Monchhichi擺設同公仔啦，好可愛呀。連店面既poster、餐牌、餐墊、都係Monchhichi，真係超可愛呀！我地點了每日限定30個既「時令日本蜜瓜梳乎厘班戟」（$118）。提提大家呢個甜品係即叫即整既，所以要等候30分鐘。時令日本蜜瓜梳乎厘班戟，日本蜜瓜好甜好新鮮。梳乎厘班戟就真係做得唔錯啦！班戟上印有可愛既Monchhichi！軟綿綿既外層，入口鬆軟即溶，蛋味都幾香濃。好值得呢個價！唔經唔覺我地仲等到三點下午茶時段，發現下午茶時段又平又正，都係$48-$58仲包埋一杯飲品。我點了「雜果法式Toast配熱朱古力」，朋友就點了「比利時窩夫配雜果及抹茶拿鐵」。雜果法式Toast配熱朱古力（$58）：雜果幾新鮮，法式Toast食落外層唔會太硬，內裡就軟綿綿，好重蛋味，配埋微甜既cream一齊食令到Toast既甜度變得岩岩好。👍🏻比利時窩夫配雜果及
==============================
山下除左甜品仲有主食，不過我地就主打甜品。一入店裏就見到勁多唔同既Monchhichi擺設同公仔啦，好可愛呀。連店面既poster、餐牌、餐墊、都係Monchhichi，真係超可愛呀！
我地點了每日限定30個既「時令日本蜜瓜梳乎厘班戟」（$118）。
提提大家呢個甜品係即叫即整既，所以要等候30分鐘。時令日本蜜瓜梳乎厘班戟，日本蜜瓜好甜好新鮮。
梳乎厘班戟就真係做得唔錯啦！班戟上印有可愛既Monchhichi！軟綿綿既外層，入口鬆軟即溶，蛋味都幾香濃。好值得呢個價！唔經唔覺我地仲等到三點下午茶時段，發現下午茶時段又平又正，都係$48-$58仲包埋一杯飲品。我點了「雜果法式Toast配熱朱古力」，朋友就點了「比利時窩夫配雜果及抹茶拿鐵」。
雜果法式Toast配熱朱古力（$58）：雜果幾新鮮，法式Toast食落外層唔會太硬，內裡就軟綿綿，好重蛋味，配埋微甜既cream一齊食令到Toast既甜度變得岩岩好。👍🏻
比利時窩夫配雜果及抹茶拿鐵（$58）：窩夫幾鬆軟，不過蛋味就淡左少少。雜果依舊新鮮好味。抹茶拿鐵都可以。下午茶時段選擇都唔少，價錢亦便宜。不過建議飲品方面可以濃少少。咁就更好啦！
臨走前，我地仲點了呢度出名既Ceramic Cone（$45），依家仲要買第二件半價（$22.5）！真係超抵呀！Ceramic Cone外型十足，奶味超濃，食曬真係幾飽肚下。用料好足！不過最正既係個皮係用日式夾心餅既餅皮製，真係畫龍點睛呀，食個餅皮已經值點票價啦！真係好正！
山下菓子甜品幾好味，選擇又多，而且價錢又合理。仲可以任坐唔會趕客。值得再次光顧！
張貼
