茶木‧台式休閒餐廳 (已結業)

行完希慎都係六點幾，便過黎茶木碰碰運氣，幾次想朝聖都因人太多而放棄，今晚見等十張枱倒就博一博啦。雖然無規定坐幾耐，但食客都走得幾快，不停咁叫號，等細枱都ok快嘅。餐牌印得似本雜誌，食物選擇其實幾多，不過見枱枱都係叫個幾樣，咁我地都係啦。香辣牛肉麵，個碗好大，份量一般，有幾舊牛，蘿蔔，白蘿蔔咁，好厚辣油，但食落完來唔辣嘅。牛肉帶少少筋位，鹵得好淋好入味，囗感唔錯。粗麵條有點硬，但幾掛湯，味道一般。叫左大受歡迎嘅黃金磚，有三塊多士或一大舊揀，好似三塊易食啲就揀左嘞，士多啤梨人氣高啲，但友人愛芒果就要芒果啦。賣相的確係一流嘅，十分吸引，但上枱又唔比叉，點食好呢？問侍應攞左叉，佢仲好順手咁比埋碟。芒果加cream再加埋糖漿真係好rich好甜，中間嘅方包加埋蜜糖牛油烤過，好好味。但邊邊同底個塊就無，好淋又無味，唔好食，其實係咪for裝飾唔食架？超油嘅湯底，再加上個甜品，今餐食完勁guity。