点心代表 (已結業)

本人為小新Fans，所以係必須要去捧下場！佢之前已經預咗未必會好好食，因為通常卡通主題嘅都好少會話好好食，所以今次有定心理準備都冇話太失望。反而見到小新嘅點心真係好開心好興奮！因為實在太可愛了！！！食落所有都一般般，係蝦餃同蝦腸算唔錯，個樣厚咗啲。仲有個流心蛋睇落同食落都唔錯，不過就唔算話好流心，睇人地啲相好似好易㩒啲餡出嚟，但個日我㩒咗好耐，同要用啲力先可以令佢喺個鼻哥窿度流出嚟😂個蛋撻同西多士都幾難食......不過去得以卡通為主題嘅餐廳都唔係有太大期望會好食！見到小新已經好開心！