鯛魚魚湯專門店 (已結業)

閒日6:30黎到，唔使等位～同男友每人各點左一個湯飯，好快就上枱，每個湯飯既份量都比預期中多，魚湯仲可以無限續加，相對上幾抵食！男朋友點左個原味魚湯配海膽同蟹腳，先講餐廳既主打魚湯，估唔到咁鮮甜喎，一啲都唔腥，本身對魚湯有些少抗拒既男友都飲到見底！而海膽同埋蟹腳唔算十分甘香同鮮甜，但以呢個價錢同份量黎講，算係相當不錯了！我就點左個蕃茄魚湯配廣島蠔同蟹棒。蕃茄魚湯既蕃茄味唔算太濃，如果蕃茄既酸甜更突出就好了！小食方面，我地叫左個魚腐，不過不失。飲品就選擇左玫瑰柚子蜜，叫左少甜，甜度正合我意。