四寶食堂 (兆安廣場)

營業中

休息中

平常做完健身，好少去食返個下午茶，今日例外，好想出去食下。又黎到四寶食堂，今次係第二次。因為上次見到有d特別的下午茶，想試下。同上次一樣，下午茶時段，都係人山人海，我要搭枱座。座低望下個餐牌，諗下今次試乜好，最後選左呢個芝心漢堡菠蘿包配薯角。平時牛油菠蘿包就聽得多，但加漢堡已經少見，加芝心漢堡更少見。等左一陣，上下網，個主角就送到上黎。一睇舊漢堡，就知都幾重份量，一d都唔兒戲。食落好得意，估唔到菠蘿包可以配呢個芝心漢堡，好味又得意。除左味道和賣相，最緊要係，價錢都好抵，只係38蚊就攪掂，嚮銅鑼灣地帶，都算便宜了。