入到餐廳，見每個位的枱面都有一條條彎彎的迷你煙囪，用來抽走油煙。坐低後我地點左芝士蛋和牛漢堡扒同埋菠蘿煙肉和牛漢堡扒。點完餐冇幾耐店員就上左啲前菜、沙律同埋麵豉湯比我地，之後再上左一份鐵板+搓成球狀的、生嘅漢堡黎，佢仲問我地有冇食過，如果冇食過佢就會教您燒漢堡嘅方法。
店員教我地用佢附上嘅鏟仔先鏟開一小份生嘅漢堡，放上剛燒出黎嘅熱石，再用鏟仔壓平佢咁燒，每次唔好燒得太耐，大約3-5秒就要反轉再燒，因為塊石係好熱的，好易會令漢堡燒焦。喺燒嘅中途如果塊石唔夠熱，可以叫店員換過一塊熱的再繼續燒。
總括嚟講，係值得一試的，可以玩下又可以食，不過可能因為係和牛嘅關係，比較多油，一邊燒一邊都不斷有油溢出，食食吓都覺得幾油膩。
