望到佢嘅Menu裏面有啲我未試過嘅嘢
諗住試吓新嘢😳結果好有驚喜
慢煮三文魚白汁蘑菇薯仔丸子🌟🌟🌟🌟：
本來諗住order 三文魚意粉
店主推介話佢新出左個薯仔丸子
咁就試試
佢個三文魚整得幾出色，食落去唔會好鞋口
係好滑嘅感覺，佢個白汁味道做得好好，
薯仔丸子口感食落去軟軟糯糯咁
但又咬得到有薯仔既粒感 好特別
我覺得唯一不足既位
個汁要傑多少少 咁就perfect 😋
黑松露蛋千層薯仔🌟🌟🌟🌟🌟：
呢個真心來到 一定要食😍
聽返店主講製造工序都好花心機
首先要刨皮 浸水 再刨成薄片 跟住要鋪一層層
再拎去焗 焗完仲要切開一件件 再炸再焗咁😂
好複雜既工序
個蛋好滑啊 千層薯仔食落去又唔會覺得好膩
一層層好有口感 整體成個都好出色
香脆雞翼🌟🌟🌟🌟：
好脆皮！雞肉好滑又嫩😍
但就咸左一啲啲
1
