古今

營業中

休息中

銅鑼灣開咗間特色嘅日式fusion菜，呢間餐廳尖沙咀都有分店，見佢菜式幾特別所以依家就嚟食下。 餐廳無論門面，廚房同埋內在環境都裝修得好有一種 傳統日式家庭嘅感覺。裝修大部分以淡色嘅木為主，一入到嚟就感受到溫暖嘅家庭感。 先嚟第一道菜，清酒煮蜆。 大蜆大大隻， 鮮味濃而冇沙，清酒味唔算太出眾，湯反而幾鮮甜美味。 吞拿魚pizza做得相當出色。除咗吞拿魚魚碎好足料咁p鋪上咗pizza嘅面之外， 個沙律醬汁配搭亦係一流。吞拿魚軟淋及入口即溶嘅口感配搭上pizza薄薄脆嘅感覺， 食落完全冇違和感， fusion一流。 4串串燒分別係帶子，一口牛肉同埋兩串雞肉， 串燒燒得較為乾身，但味道，香味均不俗。 又係呢度既招牌菜之一既卷物， 焗蝦芝士卷。芝士味好濃郁，配搭上獨特嘅醬料，令到個卷物增加左個味道層次，蝦好彈牙新鮮，而飯卷亦做得好好味。 芝士魚餅做得好爽口彈牙，而且咬落有淡淡嘅芝士汁 爆曬出嚟，完全抗拒唔到佢嘅口感， 好想一件一件咁食落去。 到最後呢度菜，古今冷麵。冷麵有好多配料，蝦，蟹柳，叉燒，雞蛋，青瓜等等撈勻之後就食得。 拉麵底好彈牙，配搭上食材之後食口感層次豐富。