韓嘢 (已結業)

聽聞太子大南街有間韓國特色主題店叫"K STUFF韓嘢"，入面有齊雜貨、熟食工作坊，其中外賣美食區有多款特色美食，居然見到有韓式豬蹄賣，仲有分半隻同一隻自行選擇🙆我叫咗半隻，但就算係半隻都成個盒滿晒咁濟，性價比高大份足料～豬皮爽滑，肥瘦比例恰到好處：肥肉唔膩，而瘦肉部份肉身有彈性，包上沙律菜，配泡菜同辣醬一齊享用，風味地道，完美還原在韓國嘅風味呢～同場仲有多款韓國美食，若果想一次過外賣多種韓式小食嘅話，呢到係最佳選擇✨等外賣期間行過去隔離嘅雜貨區就一定唔怕悶，我見到有香蕉味嘅紫菜賣，十分得意，仲有好多出面少見嘅韓國雜貨同零食🤤礙於成手都拎住嘢，下次要再嚟買嚟試先得🤭