牛大人台灣火鍋吃到飽 (瓊華中心) (已搬遷) 新店位置

「牛大人」的魔力絕對係想食完再食，今次試下到旺角瓊華中心食大餐，特別選五點時間避開繁忙時段，但係人流都係絕不稀少。湯底共有九款，真係花多眼亂，最後挑選台灣鳳梨雞鍋，內有雞，苦瓜，鳳梨，黃芽白，花甲，魚仔和牛𦟌超足材料。我和朋友都係牛肉狂魔，特別喜愛澳洲和牛M5牛肩卷真係肉質嫩滑，美國SFR極黑和牛下肩胛則肉味濃郁,而封門柳覺爽口嚼勁，都係各有特色嘅靚牛肉。每人送兩粒澳洲和牛牛丸極為Juice多汁，極為矜貴。特別推介台灣直送蟹籽墨汁漿，澎湖花枝漿和士林豬血糕夠新鮮，夠特別。台灣小食鹽酥雞，小香腸，皮蛋豆腐，滷大，腸老油條各有特色的台灣美食。海鮮有大大爽口海蝦，彈牙脆肉鯇魚，無沙鮮甜沙白，嫩滑無骨台灣鯛魚片。飲品我較喜愛洛神花茶酸酸地又開胃，朋友則喜愛白桃烏龍的清香消滯。最後like 社交平台更贈送金鑽愛玉冰內有鳳梨再加上片檸檬,很特別香口的味道，最後嘆杯Häagen-Dazs雪糕真是好飽吐好滿足。