蝦麵店 (蘭杜街) (已搬遷) 新店位置

明明上openrice search 定下星期同朋友食飯嘅地方，點知見到呢間即時有興趣想試，心動不如行動放工即時去試吓先揀咗辣味蝦湯底，A3海鮮麵（大蝦/魷魚翼/青口/腐角/蟹柳），店員問我要咩麵，原來有得揀（油麵/米粉/河粉/檬粉/摻摻）我揀咗油麵，驚會好辣所以叫咗杯青檸梳打，試吓啖湯先，嘩！好濃嘅蝦味唔太辣，好正呀！蝦頭有羔㗎，魷魚翼好爽口，青口同蟹柳就普普通通，反而腐角幾得意似扁咗嘅魚腐咁，最鍾意有芽菜同通菜，青檸梳打都好味唔會淡茂茂（唔記得影相），不過湯真係好飲我差唔多飲哂，如果冇叫嘢飲一定青哂