鯛魚魚湯專門店 (已結業)

呢個鯛魚湯米線真係一試難忘！佢個湯底係用新鮮鯛魚煮，好濃郁同埋鮮甜，完全冇落味精！今次食咗花膠米線，而朋友就食咗煙三文魚米線。佢好足料，有四，五舊花膠同埋好多配料！佢仲要係好大碗，食埋同飲埋啲湯之後簡直飽到郁唔到。一碗大概都係七十幾蚊！好抵食！外賣仲好似會平幾蚊添。如果晏晝想去食嘅話呢，就要早啲去排隊。今次等左差唔多20分鐘就有得入去食喇。不過如果真係太多人，我見到佢啲外賣其實都出得幾快，仲會幫你分埋湯。