萬豪咖啡室 (已結業)

昨天預早同男朋友慶祝他的生日. 去了皇家太平洋食,嘩....真對佢唔住(詳情可睇個間餐廳的評價)今天同佢家人一行四人去了萬豪食自助餐,去到爆晒,我地準時六點半去到, 當時人唔多, 我入到去已被佢的蛋糕吸引住。食完冷盤之後就去左食甜點, 真的好飽好飽。好欣賞佢的海鮮,好新鮮。佢的生蠔好細隻,係澳洲蠔,好甜好鮮,好快就食了一打了, 佢的螺亦都好好味,仲有龍蝦仔,好好味。冷盤仲有蝦(男友爸爸話蝦甜過龍蝦).有蚧蓋,扇貝,長腳蚧。仲有刺身同壽司,但昨日食左好多所以今日冇食, 試過佢地的冷麵,很差。熱盤有海南雞飯,好味。仲有北京填鴨,都好味。仲有好多燒味,仲有乳豬。有花膠.芝士菠菜都好好味,其他因胃部空間的問題所以冇試。我見好多人食佢的麵檔,我見有龍蝦,都好受歡迎。仲有佢的燒牛肉好好味。至於甜點方面, 首選係佢的朱古力餅.第二係檸檬枇.佢的意大利芝士餅同佢的pancake就相對失色。因為係我男友生日的關係, 事先同佢講, 佢有一個生日切餅送俾你的。服務好好,有朋友生日可以黎食飯唯一較差係0的碟同差洗得好唔乾淨,已發現食具有頭髮同碟底有好大pat醬剩。拎碟時睇清楚