CAMPSITE (K11 ATELIER) (已結業)

呢間餐廳嘅主題同露營有關⛺️，我同男朋友間唔中都好鍾意露營，覺得餐廳好特別就一於嚟試吓！烤原隻龍蝦(🍄•᎑•🍄)我同男朋友都好愛呢個🥰超級震撼，龍蝦真係好大隻呀！啲肉超鮮甜，加多少少檸檬汁落去更突出龍蝦鮮甜味。吉列蝦(🍄•᎑•🍄)吉列蝦佢哋新鮮即炸，食落口感都特別香脆，炸粉唔厚，蝦肉好彈牙嘅，真係好好食！烤原隻魷魚(🍄•᎑•🍄)魷魚都好新鮮，食落口感煙韌，另外仲配咗個醬汁，有少少似蛋黃醬，點一點醬就更加滋味！烤白豚肉串(🍄•᎑•🍄)串燒賣相吸引，白豚肉肥瘦適中，另外我仲會有串埋三色椒，三色椒酸酸甜甜好好味，中和到豚肉嘅油脂感。