越旺美食 (已結業)

餐廳環境都幾闊落，坐得幾舒服( ꈍᴗꈍ)同埋餐廳員工好快手，上菜又快又有禮貌，見我哋叫咗咁多嘢食，仲主動拍多張抬埋嚟，等我哋唔使咁迫。-豆豉炒蜆-啲蜆肉粒粒都好漲卜卜，而且豆豉炒得好入味，一吃就讓人食指大動！-蒜蓉焗青口-啲青口大大隻，上面鋪滿蒜蓉，一口一啖好滿足，啲青口又新鮮又好味！-香草煎羊扒-叫咗七成熟，肉質軟嫩，而且勁香羊肉味。啲香草令到味道更加豐富，真係一款令人回味無窮嘅菜式！-咖喱牛腩煲+薄餅-啲牛腩煮得好腍好入味，用薄餅嚟沾咖喱汁一齊食，可以中和到啲咸味，而且唔會食到太飽。-越南小食拼盤-入面有炸蝦餅、烤肉串、炸春卷、札肉、雞翼等等，啲小食好好味，嚟越南餐廳果然係一定要點小食拼盤！勁滿足。-椰汁綠豆冰-真係勁好飲，椰汁味勁濃郁，但又唔會太甜，而且入面有好多綠豆，咬吓咬吓咁好開心。-三色冰-係食越南菜必配搭嘅飲品，甜味剛好，而且入面有好多料，用嚟配搭今晚嘅美食真係勁夾！