影片
更多
2009-08-01
13 瀏覽
行旺角行到傍晚, 見到街口掛起個易拉架大賣本店優惠, 於是試下.間舖好暗, 門面唔多開胃, 但係店內好多客, 令我以為有好嘢. 侍應招呼我上閣樓, 啲樓梯好污糟, 令我皺晒眉頭. 經個九曲十三彎, 終於入到店舖盡頭處坐低. 我沿途見到啲食物賣相好一般, 啲魚生好啞色, 所以都唔敢多叫. 同個朋友叫咗兩個牛肉定食, 趁下熱鬧叫咗半磅三文魚同幾隻甘蝦. 係咁多.結果......啲魚生的確唔係好新鮮, 但嚇我一跳嘅係魚生片之間竟然有隻小昆蟲, 約莫一粒芝麻咁大. 我同朋友對望一眼, 決定夾開嗰兩片唔食, 但係已經食咗落肚嗰啲......唯有算!墊喺三文魚底嗰啲椰菜絲好似菜欄賣淨嘅菜頭菜尾切成, 帶少少啡邊, 好恐怖.點知食到牛肉定食, 又喺伴碟嘅椰菜絲發現芝麻狀嘅小昆蟲一隻!!!!心裡"頂"咗一聲, 諗過叫侍應埋嚟, 不過佢個格局有啲爛仔檔口feel, 我選擇咗快啲食完埋單算數.我個朋友好大膽, 夠膽食埋佢個蟹籽沙律, 我諗起佢啲椰菜, 連個牛肉定食都唔敢咬咁大啖, 驚唔覺意吞咗隻小強都唔知.好恐怖嘅一次飲食經驗, 兩人埋單仲要$160, 快快畀完錢之後好似逃離鬼屋咁鬆一口氣, 然後大
間舖好暗, 門面唔多開胃, 但係店內好多客, 令我以為有好嘢. 侍應招呼我上閣樓, 啲樓梯好污糟, 令我皺晒眉頭. 經個九曲十三彎, 終於入到店舖盡頭處坐低. 我沿途見到啲食物賣相好一般, 啲魚生好啞色, 所以都唔敢多叫. 同個朋友叫咗兩個牛肉定食, 趁下熱鬧叫咗半磅三文魚同幾隻甘蝦. 係咁多.
結果......啲魚生的確唔係好新鮮, 但嚇我一跳嘅係魚生片之間竟然有隻小昆蟲, 約莫一粒芝麻咁大.
我同朋友對望一眼, 決定夾開嗰兩片唔食, 但係已經食咗落肚嗰啲......唯有算!
墊喺三文魚底嗰啲椰菜絲好似菜欄賣淨嘅菜頭菜尾切成, 帶少少啡邊, 好恐怖.
點知食到牛肉定食, 又喺伴碟嘅椰菜絲發現芝麻狀嘅小昆蟲一隻!!!!
心裡"頂"咗一聲, 諗過叫侍應埋嚟, 不過佢個格局有啲爛仔檔口feel, 我選擇咗快啲食完埋單算數.
我個朋友好大膽, 夠膽食埋佢個蟹籽沙律, 我諗起佢啲椰菜, 連個牛肉定食都唔敢咬咁大啖, 驚唔覺意吞咗隻小強都唔知.
好恐怖嘅一次飲食經驗, 兩人埋單仲要$160, 快快畀完錢之後好似逃離鬼屋咁鬆一口氣, 然後大聲呻笨笨笨笨笨笨笨笨笨笨笨笨, 呻足十分鐘!
張貼