Pancake 專門紗織 (已結業)

期待已久嘅pancake終於食到啦😍鍾意食pancake嘅我表示意猶未盡，仲有好多款想試呀☺️餐廳環境好日式，食物都係，彷彿身處喺日本，好正。Mont Blanc pancake，$148成日見人哋post呢種pancake，好吸引，今次終於試到，出面有三種口味揀，我哋要咗粟子，好好味，入面嘅pancake要咗抹茶味，而雪糕就要咗焙茶，兩種嘅茶味都好濃，尤其係焙茶雪糕，食十球都得🤣雪糕芒果蕨餅拿破崙，$138好好味嘅拿破崙，total有三層，上面兩層勁多cream同芒果，用嘅係澳洲芒果，好甜😍下面嗰層有三球雪糕，仲有蕨餅。因為係即叫即整，外層勁脆，大啖食落去，勁滿足。抹茶富士山，$48一定試呢杯野，第一啖就咁試上面層抹茶，勁濃郁勁香茶味，好好飲，睇返餐牌，原來係400次奶蓋，唔怪之得咁正🤩洛神花冰蜜茶，$42朋友話驚太滯，所以叫咗比較light嘅花茶，清得嚟又帶點甜意，非常適合配搭甜品食。好滿足嘅一餐，以為正餐都可以skip咗直接食甜品。餐廳環境又好靚好舒服，位置又方便，係下午茶約姊妹打卡嘅首選。