麦玉子 (已結業)

今日放假，我和朋友一同去北角探個親戚，故先到北角匯的一田超市，買啲新鮮水果入到一田超市，發現裏面有個小形foodcourt，大約有4、5間食店，所以我哋先食嘢醫醫肚，再慢慢行超市叫咗兩個飯+兩小食，鰻魚麥飯丼，炸蝦咖哩飯，芝士粟米玉子，炸餃子鰻魚麥飯丼～鰻魚幾肥美，飯就好似薏米+飯，薏米有益健脾胃，加入飯一齊煮，令飯更軟滑炸蝦咖哩飯～日式咖哩，味香,辣度唔重，炸蝦粉薄，肉質脆口彈牙，配沙律菜同飯，飯亦都係以薏米+飯，非常有益芝士粟米玉子～少許咸味，口感有點煙韌，入口有芝士香味同有粟米的甜味炸餃子，裏面饀有魚，所以入口都有少許魚味，醮個附加的醬汁，非常香口唔油膩