Ada 美食廣場 (已結業)

尼間舖仔，我試過佢地的魚蛋、龍蝦燒賣，味道係好好好難食！都唔明佢地點解可以整到咁難食！但係，佢地既夾餅，係我有生以黎食到最正的夾餅。真係唔明，點解尼樣又可以整到咁正。平時食夾餅，永遠都係一咬落去就成口粉，又漏又滯，但係尼間d夾餅，烘到兩邊都脆卜卜，中間的花生醬、奶醬、粗粒花生加爆香芝麻，好味到難以形容。每次到灣仔附近，都會專登走黎食一轉，就算肥都一定要試。