米線樂•麻辣豬骨濃湯 (已結業)

係米線關注組會間唔中見到有會員介紹依間「米線樂·麻辣豬骨濃湯」，經過長沙灣就決定試試佢。門面算係企理，坐得舒舒服服，中意打卡既牆身都有唔同裝飾俾大家打卡🤣落單都好方便，雖然係小店，但掃一掃QR code就可以落單。Anyway，講返食物先，湯底叫左推介既「麻辣豬骨濃湯」，餸就叫左「牛柏葉」、「墨魚頭」、同埋「黃金花枝丸」。碗野黎到既時侯其實已經想即刻試一啖個湯，但相機都要食先（依家一路打食評個肚又開始打鼓😂）湯底無令人失望，佢個色然同某米線連鎖店既湯底好似，但個味完全唔同，中意食豬骨湯底既唔可以錯過，果種麻既感覺都非常過癮。「牛柏葉」同「墨魚頭」都好有咬口，連埋湯一齊食好正👍🏻「黃金花枝丸」都唔可以錯過，因為係新鮮炸起，食落都唔會有好重粉既感覺。個人評分（滿分為5）味道：😉😉😉😉😉環境：😉😉😉😉員工友善度：😉😉😉😉CP值：😉😉😉😉😉