沙士亞印度餐廳

營業中

休息中

好耐無食印度菜，呢排好掛住butter chicken😍。咁啱今日經過銅鑼灣就試下呢間印度菜喇，全店由店員到食客都喺印度人，不過餐牌有中英對照，無問題！價格合理，款色好多一坐底就送上印度薄脆，配上芒果醬同薄荷醬。芒果醬好似嗰jam咁好好味，而薄荷醬除咗有有薄荷嘅清新外仲啲微辣，好好食。Butter chicken 原汁香料雞（$108）- 每次食印度嘢必嗌！呢個唔單止賣相吸引，仲好好味。個醬汁又香又濃郁而且唔辣，而啲雞肉份量又好又嫩滑，勁惹味。Garlic Naan ($28) - 咖喱配Naan一定係絕配，我嗌咗蒜蓉味，真係好重蒜香味。個餅熱辣辣，軟熟得嚟又帶啲香脆嘅感覺。