韓松韓國料理 (已結業)

其實好多時都經過,想嚟好多次ga la,只不過係成日都約唔啱時間,終於約到朋友生日個晚一齊嚟試下,初頭以為淨係得樓下,點知有上層,環境都唔錯,好光猛,價錢中等,叫比新羅寶同莊園平,service都ok,可能係平日既關係,唔算多人,值得一讚有幾樣嘢,特別係個王牛排,個汁做得好好,燒到welldone都唔un,佢地個度有塊板好得意,係斜斜地,D油會流返落個底,個design幾好,個豬腩肉睇落好肥同好油,但真係好香,肥就肥la,食左先算,包埋生菜就好D,冇咁膩,睇得韓劇多,年糕,粉絲,石頭飯,炸醬麵都想試,但幾個女仔邊食得咁多ar....,結果揀左年糕同粉絲,我個fd話個年糕辣,反而我就ok wor.粉絲都好香,因為生日既關係,破例飲一次酒,就係"真露"la~而我地帶埋b'day cake黎,所以唔敢食咁多,呢度有樣嘢好,就係唔收切cake費,最後有意米糖水滋一滋,雖然有D酒意,但過左一個愉快既生日夜~佢地有VIP room,下次約多幾個fds攞間房再黎試埋其他嘢~~PS:廁所衛生程度有待改善...