更多
2017-04-20
1007 瀏覽
第一次食呢間中國冰室,之前睇到電影,好好奇呢個咁舊裝潢嘅茶記响邊度,上網search 下搵到嚟呢度,間野響旺角街市入面,都唔算難搵嘅..電影睇好似好大間,真實間鋪頭地方唔大。故意揀12點多去食,怕好多人。間野有兩層的,一入到去,我一支箭跑左上樓坐,我覺得望落去比較有風情!我嗌左個炸雞脾薯條餐+凍奶茶,盛惠$38!個凍奶茶我中意!好濃茶味,比一般茶記濃!甜度剛好!個炸雞脾薯條等左15分鐘,佢係即叫即炸的,美中不足係個雞脾唔入味,醃得唔夠,我倒左啲鹽覺得好好多,個薯條就普通薯條味咁啦!再加左一個菠蘿包 $5 ,不過不失。此外,我覺得啲樓面阿姨好辛苦呢,捧住個盤不斷走上走落樓梯,我坐左45分鐘已經見佢地行左十次,咁一日咪行...100次!?😱
故意揀12點多去食,怕好多人。間野有兩層的,一入到去,我一支箭跑左上樓坐,我覺得望落去比較有風情!
我嗌左個炸雞脾薯條餐+凍奶茶,盛惠$38!
個凍奶茶我中意!好濃茶味,比一般茶記濃!甜度剛好!
個炸雞脾薯條等左15分鐘,佢係即叫即炸的,美中不足係個雞脾唔入味,醃得唔夠,我倒左啲鹽覺得好好多,個薯條就普通薯條味咁啦!
再加左一個菠蘿包 $5 ,不過不失。
此外,我覺得啲樓面阿姨好辛苦呢,捧住個盤不斷走上走落樓梯,我坐左45分鐘已經見佢地行左十次,咁一日咪行...100次!?😱
張貼