白鬚旗艦店 (已搬遷) 新店位置

平時去西貢都係食海鮮，今次試吓新嘢食印尼菜真係好得。餐廳有上下兩層，我哋今次坐咗上面嗰層，裝修好 chill 好 cosy 坐得好舒服。員工服務態度好親切。有幾樣一定要試：1）我冇食過咁好食嘅豬頸肉，2）蒜炒椰菜 - 我哋八個人叫做咗兩碟都唔夠食，3）燒雞皮 - 俾我個女搶晒去食我冇得食不過佢話好好食，4）炸蝦片，5）墨魚餅，6）同埋招牌菜牛骨湯飯。我哋一行八個人食咗差唔多千七蚊，好滿足👌。如果揸車可以泊喺西貢政府合署停車場，行過嚟幾分鐘就到。