輕時光

營業中

休息中

奶蓋茶飲就飲得多，乳酪做奶蓋嘅茶飲真係第一次聽，所以一聽到呢間店一開，我哋就即刻走過去試吓啦！呢間茶飲店take your time位於中環，有時做嘢都會經過呢頭，所以都對我來講幾就腳。店面嘅裝修幾靚，輕工業風嘅風格，好有格調。佢Menu上面所有嘢飲都好吸引，花多眼亂，諗咗好耐之後，決定要一個佢近期推廣緊嘅乳酪蓋西瓜烏龍茶，仲有一個乳酪芒果茉莉花茶，仲可以加錢要雙重乳酪！飲品賣相超級靚！非常適合打卡！呢度嘅座位唔多，不過因為唔會成間店都係人，所以我週末晚上嚟都有位坐住嘆，疫情期間有得喺度坐住飲就最重要啦！因為唔唔想喺街一路行一路飲。我叫嘅芒果乳酪味道非常夾，有淡淡的茶香，芒果甜，乳酪好好飲，成個配搭超級啱我！因為我本身都係鍾意飲果味乳酪。西瓜乳酪烏龍茶就真係好驚喜！因為呢個味道係平時冇試過嘅，本來以為可能會有啲奇怪，但係飲落去又好夾！隻味好清新！我覺得仲好飲過本來已經好鍾意嘅芒果乳酪！係第二度試唔到既味，烏龍茶嘅味係呢個配搭之下特別出，茶味好香，西瓜乳酪真係第一次試，估唔到咁好飲！絕對值得經過就再幫襯既店！希望開多啲分店，去到邊都有得飲啦。