古早牛肉麵 (已結業)

早二日經過深水涉，經過呢間古早牛肉麵，見裡面坐滿人，於是係門外睇下memu，原來係食台式嘢。好掛住去旅行，尤其係台灣小食，呢度款式都幾多，價錢都好合理。

(大腸麵線$30)
大腸唔算大肥，脂肪適中，入口有咬勁，麵線好爽，十足去左台灣小店一樣。

(酥炸大豬排$36)
超级巨型，足夠二人享用。外層炸得十分香脆，熱辣辣，食入口豬排肉汁豐富。


(話梅豬手 3件 $22)
豬手炆得夠柔軟，入口有些少甜話梅味，豬手好入味，不會太濃，抵食!

(百香果雪梨茶$17) 半糖，去冰。
好有誠意，跟足我嘅要求，抵讚!
茶底夠濃味，百香果少少酸味加雪梨，好適合配台式炸物。