城寨風味

營業中

休息中

之前行街經過見到呢間風味已經好想試，襯星期六帶埋小b出去食lunch。原來佢地之前係街舖，最近搬咗入去商場。門面大而且光猛餐廳內地方寬闊光猛，每張枱之間有足夠嘅空位，唔會咁容易撞到後面張枱。而且仲有卡位area。午市都有好多選擇，真係要嚟多幾次先可以試埋其他。我點咗個石窩雞粒飯，一上枱熱辣辣，香氣撲鼻，好有鑊氣，呢個石窩飯唔會好油，飯粒乾脆惹味，份量仲好重手，抵食呀！老公點咗黑胡椒燒鴨飯，肉質鮮嫩多汁，再加上酸甜漿更加突顯鴨肉嘅味道。最後仲叫咗一隻金沙香脆軟殼蟹，好大件呀，炸漿好薄，軟殼蟹好厚肉，配合咸蛋黃醬去炸，炸得剛剛好，好脆又唔會好油膩，好有驚喜呀同時都好邪惡，哈哈。呢兩個餐都包飲品，一杯玫瑰蜜糖同蜂蜜綠茶，滋潤下。