喜越 (已結業)

之前去完越南，對越南食物念念不忘，今日就嚟到呢間銅鑼灣嘅越南餐廳。本身一心想只係食越南河粉，但老闆推介左佢地嘅法包，話非常出名，於是就試吓啦。 以前一直對法包都冇乜好感，感覺上好硬好難咬！但係呢個法包真係令到我完全改觀。首先非常鬆軟，完全唔介口。而且入邊嘅醬汁同埋餡料都配合得非常好，一路食雖然一路跌好多碎，但都非常滋味。 老闆娘話佢哋所有嘅材料都係外地入貨，每日空運新鮮到港，難怪食得出係越南食到嘅鮮味。佢啲飲品都非常有特色，平時越南餐廳好多時都係俾啲泰式飲品嗰啲汽水就算，佢哋嘅每一杯飲品都真係喺越南嘅特色飲品，喺其他餐廳都好少搵到。