愛家，愛便當 (已結業)

今日想食得清啲，路過見到東廣場素食，即時鎖定目標。呢間鋪嘅素食菜式都好得意，好有創意。有茄子鰻魚飯，雖然冇叫到但見到用茄子扮鰻魚都幾似，仲有唔同款式嘅素食壽司，有蓮藕壽司、秋葵壽司、漬蕃茄壽司，個樣都幾可愛。叫餸個陣有唔同組合，可以選擇主菜、前菜、粗糧。每類都有唔同款式，我揀咗泡菜昆布、醬南瓜、毛豆仲有飯團。味道唔錯，泡菜酸酸辣辣、好爽脆、好醒胃。醬南好香。飯團就有冬菇、菜粒，不過不失。仲嗌左海茸！呢個幾特別，聽講營養價值幾高！