Lockeroom Dining (譽發廣場) (已結業)

呢間餐廳我真係好中意 因為超級有特色吖 成塊地都鋪左草皮 仲掛滿阿仙奴嘅球衣同紀念品👀而食物方面都很不錯 松露磨菇湯係真係有野咬 有渣的 一粒粒嘅菇菇 配上煤氣一樣嘅香氣 正爆😍主菜方面 我地點左卡邦尼蟹膏溫泉蛋意大利麪 呢個就不得了啦 卡邦尼汁 蟹膏同溫泉蛋吉開之後都係好滑嘅口感 全部撈勻之後就係滑上加滑再加滑：而且佢蟹膏真係幾多 好香濃抵食！另外一道主菜係英式炸魚薯條 其實佢係連皮嘅薯角🤣🤣 不過冇問題 因為一樣好味道 又夠熱又脆卜卜 加上炸魚好大一塊 肉質滑得黎實淨 同之前去英國食嘅相當神似 不錯不錯😁最後要表揚一下水牛城雞翼 呢個加左好多TABASCO嘅配方非常啱我食 又夠酸又夠辣 好開胃 食主菜前醫下口痕最適合不過🤣🤣🤫