金飯館貳·零 肉餅·焗飯專門店

營業中

休息中

今日又去廣華街搵野食，經過呢間專門焗飯嘅專門店，睇睇價錢唔算太貴，於是入去試吓。蝦頭油炒飯，個份量勁大碟，仲好足料，有大蝦，蠔仔，帶子，仲有櫻花蝦米，個炒飯底炒得好香，炒得好乾身，好重蝦味，食落啖啖蝦嘅香味，d櫻花蝦米食落有脆脆嘅口感，撈埋d飯食，有多重口感，d大蝦份量都幾多，有好多隻，隻隻爽口彈牙，而d蠔仔粒粒都漲卜卜，都好鮮，好鮮味，仲有帶子粒，煮到啱啱好，完全冇overcook而有韌嘅感覺，總括呢個飯非常正。芝士焗沙嗲牛肉配蘭王蛋飯，茄油焗飯食得多，第1次食沙嗲焗飯，個沙嗲牛肉好惹味，d汁好好味，mix埋d芝士一齊食，原來好夾，個炒飯底都炒得好香，加埋隻蘭王燶邊蛋，勁正。波霸奶茶，呢度d台灣奶茶同出面d茶飲店嘅質素一模一樣，d波霸珍珠勁煙韌，d奶茶味好濃，唔會過份甜，價錢仲唔貴，抵飲。