串點 (已結業)

最近都想試下長沙灣嘅餐廳，咁聽聞有間係露營風嘅串燒店，即刻去試下。餐廳都有小木屋既感覺另設有啲坐位用左露營設備，露營燈等，一共係三個枱二張高枱，午餐時段去到都好多人，坐位唔係好多，見到師傅好忙碌咁招呼客人同埋準備嘢食，環境都好有特色，但店舖都係比較細，可能都要訂位會比較好。同埋都要預咗如果多人都可能要等多耐少少。主食安格斯肉眼扒飯石鍋上面放左五成熟嘅安格斯肉眼扒，配上洋蔥、青瓜同埋蛋絲。五成熟就啱啱好，唔會韌。串點雞飯用秘製醬汁燒烤過雞串，外層都香脆，帶有少少甜味。雞皮餃子🥟用雞皮包住啲雞肉再去炸外皮油脂豐富香脆內涵多汁，呢個我係覺得幾特別龍蝦沙律有紫菜同埋青瓜，蝦肉都幾大爽口用紫菜包住食，都幾開胃脆骨雞丸子甜燒汁，有脆骨添加口感覺得係四個串燒入邊最好食嗰個冬陰功雞肉串少少辣仲有檸檬味係雞肉串之中味道比較重沙嗲雞肉串淡淡沙嗲味好惹味，所有串燒都係即叫即做，火候亦都控制得幾好大蔥雞肉串醬汁稍為帶甜，覺得串燒之中嘅雞肉都唔錯同大蔥食就多一份清甜